පාරාදීසයක්...

පාරාදීසයක් කිව්වම මොනවද ඔයාගේ ඔලුවට මුලින්ම ආවේ?. මට නම් බලපු ෆිල්ම් කිහිපයක් තමයි මතක් වෙන්නේ. දිය ඇලි ගංගා වලින් පිරුණු, කෑම බීම ඇති වෙන්න තියෙන,ගහ කොල සතුන් පිරුණු, මිනිසුන්ත බෙදා හදා ගෙන සතුටින් ජීවත් වෙන භූමියක් පාරාදීසයක් කියල මම හදුන්වනවා.

විශේෂයෙන්ම පාරාදීසයක වුනත් මිනිසුන් ජීවත් වෙනවා නම්, ඇත්තටම ඒක පාරාදීසයක්ම වෙන්නේ මිනිසුන්ගේ ආකල්ප එක්ක. මොකද අපේ මේ ලස්සන ලෝකය ඇත්තටම පාරාදීසයක් විදිහට තමයි බිහි වුනේ. හැම සතෙකුටම ජීවත් වෙන්න කෑම බීම තිබ්බා, ගංගා ඇළ දොළ, නිදහසේ හැසිරෙන්න සැරිසරන්න පුලුවන් විදිහට තමයි ලෝකය නිර්මාණය වුනේ. දැන් සතෙක්ට නිදහසේ යන්න එන්න පුලුවන්ද? සතෙක්ට තියා අපිටවත්? සතෙක් නම් අල්ලලා කූඩු කරනවා, නැත්නම් මරාගෙන කනවා. කැලේ ඉන්න සත්තු ටික යාන්තම් බේරිලා ඉන්නවා තාම. ඒත් ඉතින් මිනිසාගේ දියුණුවයි, ලෝක ජනගහනයේ වැඩි වීමයි එක්ක අනාගතයේ කැළෑවක් ඉතුරු වෙයි කියල හිතන්න අමාරුයි. මොකද දැන් හදේ ඉඩම් විකුණනවා පදිංචියට. සල්ලි තියෙනවම් අරන් දාන්න. අපි දැන් වතුර බොන්නෙත් සල්ලි වලට, පුරාතන අපේ මුතුන් මිත්තෝ දැන ගත්තොත් මොනව හිතෙයිද? ඉස්සරහට පපුව ඇතුලට ගන්න හුස්ම ටිකත් සල්ලි දීල ගන්න ලෑස්ති වෙන්න වෙයි. විහිලු වගේ හිතුනට දැනටම ලෝකේ එහෙම වෙනවා. මොකද යසට තිබ්බ ඔක්සිජන් ටිකත් දැන් දූෂණය කරගෙන ගිහින් තියෙන්නේ මිනිසුන්ගෙම වැඩ නිසා තමයි. ඒ වෙලාවට තමයි මට හිතෙන්නේ සතෙක් වුනා නම් කියල, ඇයි එතකොට පරිසරයට හානියකුත් නැහැ ජීවත් වෙන්න අමාරුත් නැහැ. මට මතක් වෙනවා රතු ඉන්දියානු ගෝතික නායකයෙක් කිව්ව කතාවක් "අවසාන ගසත් මිය ගිය පසු, අවසාන ගංගාවත් සිදී ගිය පසු,අවසාන මත්ස්‍යාත් අල්ලා ගත් පසු, මිනිසා අවබෝධ කර ගනීවි මුදල් ආහාරයට ගත නොහැකි බව" 

ගෝතික නායකයා සල්ලි කාරයෙක් නෙවෙයි, අපි වගේ පාසල් ගිහින් ඉගෙනගෙනත් නැහැ හැබැයි හොද පරිසර අවබෝධයකින්, පරිසරයට අවනතව ජීවත් වෙච්ච මනුස්සයෙක්, මතකම තියාගන්න සල්ලි , අධ්‍යාපන මට්ටම් , උස් මිටි , ඇති වගේ අද ලෝකය අවුල් කරපු හැම දේම හැදුවෙ මිනිස්සු.. අද ලෝකේ ඉතින් සාර්ථක වෙනවා කියන්නේ සල්ලි, ලොකු තනතුරු වගේ දේවල්නේ. මේ ලිපිය කියවන ඔයා අද කල්පනා කරල බලන්න සාර්ථකත්වය කියල දෙයක් එහෛම මනින්න බෑ නේද? මම නම් කෙනෙක් සාර්ථකයි කියන්නේ ඔහු හෝ ඇයගේ අධ්‍යාත්මික , මානසික තත්වය එක්ක. මේ ලෝකේ හැම දේම ඇති වෙන නැති වෙන සංකල්පයට යටත්. අලුත් ජීවීන් ඇති වෙනවා, ඉන්න ජීවීන් වද වෙලා නැති වෙනවා, අලුත් ලෙඩ රෝග නිර්මාණය වෙනවා, තියෙන ලෙඩ නැති වෙනවා, හැම දෙයක්ම ඔන්න ඔහොම තමයි සිද්ධ වෙන්නේ. අපිත් ඒ පද්ධතියෙම කොටසක් විතරයි. අපි බුද්ධිමත් කිවුවට ඒකත් එක පාරම වුනේ නැහැ කියලා ඔයාල දන්නවා, වානරයගේ ඉදල පරිණාමය වෙලා ටික ටික තමයි අපි දියුණු වුනේ. ඒකත් මම අර කලින් කිව්වා වගේම වෙච්ච අහඹු සිදුවීමක්. තව අවුරුදු සිය දහස් ගානකින් ඉස්සරහ බිහිවන මිනිස්සු දැන් අපිට වඩා ගොඩක් බුද්ධිමත් වේවි! එහෙම නැත්නම් වද වෙලා යාවි. ඒකවත් අපිට හරියට කියන්න බෑ. ඉතින් මේ විදිහට අපි භාෂා හදාගෙන සන්නිවේදනය කරනවා, අලුත් දේවල් හොයා ගෙන කියල කියනවා. විද්‍යාව හරි දියුණුයි කියනවා. ඇත්තටම වෙන්නේ ලෝකේ මිනිස්සු අවබෝධ නොකරපු දෙයක් අපි අපේ ඇස් කන් නාස දිව සම වගේ දේවල් වලට ගහනය කිරීමක් විතරයි. උදා විදිහට තෝමස් අල්වා එඩිසන් විදුලි බල්බය හොයා ගත්ත, ඇත්තම කිව්වොත් අවබෝධ කළා. ඒ කාලේ මේ ලෝකේ ආලෝකය තිබ්බේ නැද්ද? විදුලිය තිබ්බේ නැද්ද? තිබ්බා හැබැයි මනුස්ස අපි ඒවායේ හැසිරීම දැනගෙන හිටියේ නෑ. ඒ වගේ අපේ මේ අවයව වලට අහු නොවන බොහෝ සංකල්ප අනන්ත පුමාණයක් මේ ලෝකේ තියනෙවා. එම සංකල්ප පවා ඇති වෙමින් නැති වෙමින් විකාශනය වෙමින් වෙනස් වෙමින් පවතිනවා. ආහ් මම කතාව පටන් ගත්තේ පාරාදීසක් ගැන කියල නේද? ඔව් මේ පාරාදීසේ නිර්මාණය වුනේ කොහොමද කියල තමයි මම පැහැදිලි කරන්න උත්සහ කලේ. ඉතින් අපිට පාලනය කරන්න බැරි මේ පාරාදීසේ කොටසක් වෙච්ච අපි සොබාදහම අවබෝධ කරගෙන ජීවත් වෙන්න ඕන කියල මට නම් හිතෙන්නේ. හැමෝම සතුටින් ඉන්න! නැවත මුණගැහෙමු!

නිරපේක්ෂ චින්තනය....

අද මම ලියන්න බලාපොරොත්තු වෙන්නේ තරමක් වෙනස් දෙයක් ගැන. ඒ තමයි නිරපේක්ෂ චින්තනය. ඇත්තටම අද මම ලියන හැම දෙයක්ම මගේම අදහස්. වෙනදා ඉතින් ලෝකේ කොහේ හරි දෙයක් ගැන මමත් විස්තර හොයල ලියපු එකනේ කලේ. අද වෙනසක් කරන්න හිතුවා ඉතින්. ගෙදර ඉන්න ගමන් කල්පනාවක වැටිල මේ ලෝකේ වෙන දේවල්, එ් වගේම මගේ ජීවිත අත්දැකීම්,මිනිස්සු කරන කියන දේවල් දිහා බැලුවම හිතුන අපි මේ කරන්නේ මොන බොරුවක්ද කියල, හරිම විහිලුවක් නෙවෙයි ද? හරියට නිකන් අපි පොඩි කාලේ අතට අහු වෙන දේවල් අරගෙන සෙල්ලම් කරනවා වගේ, එදා ලොකු අය කරන දේවල් දැකල අපිට හරි පුදුමයි. අපි හීන මැව්වේ කවදා හරි ලොකු වෙලා එ් අය වගේ වෙන්න. පොඩ්ඩක් ඉන්න, අපේ හීන හා ආසාවල් නිර්මාණය කර ගත්තේ අපි දැකපු, අපිට පුරුදු කරපු ඒ වගේම අපේ වටපිටාව නෙවෙයි ද ? ලංකාවෙ අපි බහුතරයක් හිතන්නේ හොදට ඉගෙනගෙන දොස්තර කෙනෙක් ඉංජිනේරුවෙක්,ගණකාධිකාරී,නීතීඥ වගේ අධ්‍යාපනිකව ඉහලටම යන්න. ඇත්තටම පොඩි කාලේ අපි ඒ දේවල් කලේ වැඩිහිටියෝ කියන කතා අහලනේ. නෑ කියන්න බෑ. අපි ගොඩක්ම මේ වගේ වෘත්තීයන් උඩින් තිබ්බේ ආර්ථික

ස්ථාවර මට්ටම ගැන හිතල. කෙලින් කිව්වොත් සල්ලි වැඩියෙන් හොයන්න පුලුවන් විදිහ ගැන හිතලා. දැන් දැන් නම් අලුත් පරම්පරාව අලුත් ලෝකය එක්ක යාවත්කාලීන වෙන නිසා මේ වෘත්තීයන් ගැනම හිතන්නේ නැහැ. මොකද තොරතුරු තාක්ෂණයට පින් සිද්ධ වෙන්න ලෝකේ වෙන හැම මගුලම අපේ ඔලුවට වැටෙනවනේ. කොහොම වුනත් ආසියාවේ දියුණු වෙමින් පවතින රටක් වෙන අපි දුප්පත් රටක්. එහෙම නැත්නම් ලෝකෙට ණය වෙච්ව ආදායමට වඩා වියදම වැඩි රටක්. අද වෙනකන් ඔයා හිතුවෙ ඔයාට විතරක් සල්ලි නැහැ ජීවත් වෙන්න අමාරුයි කියල නම්, අද ඉදන් හිත හදාගෙන නාලා කාලා ඉන්න. මොකද ඒක මේ රටේම අවුලක්. සල්ලි සල්ලි සල්ලි. කවුද මේ සල්ලි හදපු එකා. අපි වගේම මිනිස්සු තමයි ඉතින් සල්ලි හැදුවේ. අන්න එදා ඉදන් මිනිස්සුන්ට ජීවත් වෙන්න, සතුටින් ඉන්න බැරි වුනා. දැන් ඉතින් මිනිස්සු කියන කතාව තමයි, සල්ලි තියෙනවා නම් කිසි අවුලක් නෑ සතුටින් සැපේ ඉන්න පුලුවන් කියලා. මොන බොරුද, හොදට සල්ලි තියෙන කෙනෙක් හොයා ගෙන ගිහින් දවසක් දෙකක් අවංක කතා බහක් කරල බලන්න. මුලින් මුලින් කියයි සැපේ ඉන්නේ කියල, ඊට පස්සේ ටික ටික වමාරයි සල්ලි නිසා ඇති වෙලා තියෙන බර, ආතතිය. සල්ලි කියන්නේ සාපේක්ෂ මිනුමක් විතරයි. උදාහරණයක් විදිහට අපි හිතමු අපි සාමාන්‍ය පවුලක කෙනෙක් වෙලා බස් රථ වල ගමන් බිමන් යන කෙනෙක් කියල. ඔන්න අපි දැන් ටිකක් දියුණු වෙලා බස් එකේ යන එක

ඇති වෙනවා. ඔන්න ඉතින් ගන්නවා බයික් එකක්. දැන් හරිද? නෑ නෑ බයික් එක අරන් මුල් කාලේ විතරයි ඒකේ රහ, තෙල් ගහන්න,සර්විස් කරන්න,ඔයිල් මාරු කරන්න,හැප්පුනාම හදන්න වැඩ ගොඩයි. අඩුවට බස් එකේ ගිය මනුස්සය දැන් වැඩියෙන් හම්බ කරනවා වගේම වියදම් කරනවා. කසාදයක් බැන්දත් ඔච්චර තමයි, බදිනකන් තිබ්බ සුන්දර ලෝක වැටෙනවනේ බිමට. හම්, දැන් අපිට කාර් එකක් ගන්න මට්ටමට මුදල් ලැබෙනවා කියල හිතමු, එහෙම නැත්නම් වැස්සේ තෙමි තෙමී බයික් එකේ යනකොට කාර් කාරයෙක් වතුර පාරකින් නාවගෙන යනවා. ඔන්න දැන් ගන්න හිතෙනවා කාර් එකක්. ඒ වගේම බයික් එකේ යන අපිව දකින බස් මගියෙක් හිතනවා අපි දිහා බලල බයික් එකක් වත් තිබ්බනම් කොච්චර දෙයක්ද කියල, බස් මගියා දිහා බලන හිගන්නෙක් හිතන්න පුලුවන් අර බස් මගිය වගේ හොදට ඇදල කරල පවුලක් බලාගෙන රස්සාවත් කරන් ඉන්න තිබ්බනම් කොච්චර සැපක්ද කියල. බලන්න මේ හැම දේම සාපේක්ෂයි නේද? අපි අයෙත් යමු බයික් එකේ
යන ඩයල් එක දිහාවට. දැන් ඒ මනුස්සයා ගන්නවා කාර් එකක්. දැන් එතකොට වැඩේ හරිද? නෑ නෑ එයා අනිත් මිනිස්සු යන කාර් දිහා බල බල හීන මවනවා තවත් හොද වාහනයක් ගන්න. ඔහොම ඔහොම වාහන නැව්, හෙලිකොප්ටර් වගේ දැනට ලෝකේ නිපදවලා තියෙන යාන වාහන පස්සේ අපි දුවනවා. ඒත් අපේ හිත කවමදාකවත් තෘප්තිමත් වෙන්නේ නැහැ. අහල තියෙනවද කවදාවත් සල්ලි හොයල දැන් ඇති කියල නවත්තපු කෙනෙක්? නෑ නේද? අනිත් හැම දේම වගේ සල්ලි කියන්නෙත් මිනිසා විසින් නිර්මාණය කරපු චින්තන උගුලක්. කවදා හරි අපෙන්

පස්සේ පරම්පරාවත් අග මුල හොයන්නේ නැතුව මේ සල්ලි කියන සංකල්පමය උගුල පස්සෙම දුව දුවා ජීවිතය හොයයි. එයාලා හැමදාම විදවයි. ඇත්තටම සතුටින් හොදින් ඉන්න අපිට කිසි දෙයක් ඕන නැහැ.. ඇත්තටම ඒක හරියට මේ ලොකේ යන සිස්ටම් එක තේරුම් ගැනීමක්. ඒක තේරුම් ගත්ත මනුස්සයා ආයේ මුකුත් කරන්නේ නැහැ. නවතිනවා! මොකද අපි කරන හැම දේම කිසි තේරුමක් නැති සාපේක්ෂක. නිරපේක්ෂ ඔලුවක් හදා ගන්න එක ලේසි නැහැ. හැබැයි හදා ගත්ත කෙනා මේ ලෝකේ හැම දේකින්ම නිදහස්. ඔයාලගේ අදහස් චෝදනා පූශ්න මටත් දැනගන්න කියන්න!.... සතුටින් ඉන්න හැමෝම! තවත් මේ වගේ ලිපියකින් හමුවෙමු!

තමන්ගේ අවශ්‍යතාවය පරිදි නිවැරදිව ලැප්ටොප් පරිගණකයක් තෝරා ගනිමු...

පරිගණය පිළිබද දැනුම අඩු කෙනෙක්ට ලැප්ටොප් පරිගණකයක් මිළදී ගන්න ගියාම මොකක් තෝර ගන්නද කියල ලොකු ගැටලුවකට මුහුණ දෙන්න වෙනවා. ගොඩ දෙනෙක් වෙළෙන්දන්ට අහු වෙනවා. මොකද වෙළෙන්දෝ බලන්නේ එයාලට වැඩි ලාභයක් තියෙන දේ අපේ ඇගේ එල්ලන්න. අද මං කියල දෙන්න යන්නේ කොහොමද තමන්ට ගැලපෙනම ලැප්ටොප් එකක් තෝරා ගන්නේ කියල.

අපි ලැප්ටොප් එකක් ගන්න හේතු ගොඩක් තියෙනවනේ මෙන්න මේ හේතු එක්ක තමයි අපේ අවශ්‍යතාවය තීරණය වෙන්නේ. අවශ්‍යතාවය අනුව තමයි ගන්න ඕන ලැප්ටොප් එක තීරණය වෙන්නේ. මොනවද මේ හේතු. කැම්පස් යන හරි කොම්පියුටර් කෝස් එකක් කරන කෙනෙක්ට ඉගෙන ගැනීමේ අවශ්‍යතාවයට රැකියාවක් හරි තමන්ගෙම කියල ව්‍යාපාරයක් කරන කෙනෙක්ට වෘත්තීමය අවශ්‍යතාවයට ගේම් ගහන කෙනෙක් ට වගේ විවධ හේතු වලට අපිට අව්‍යතාවයන් ඇති වෙනවා. අපි වැඩේ පහසු වෙන්නත් එක්ක පහල තියෙන විදිහට කොටස් වලට බෙදා ගෙන කතා කරමු.

සැහැල්ලු භාවිතා කරන්නන් (අන්තර්ජාල සැරිසැරීම/ අන්තර්ජාල බිල්පත් ගෙවීම්/ ඊමේල් / සමාජ ජාල වෙබ් අඩවි භාවිතාව / කාර්යාල ලිපි සැකසීම )

බ්ලොග් එකක් බලාගෙන වර්ඩ් ඩොක් එකක් හදාගෙන පේස්බුකිය පැත්තේ ගිහින් ඇවිත් ඊමේල් එකුත් යවාගෙන් ඉන්න කෙනෙක් නම් පොඩියට වැඩිය වියදම් නොකර රැම් එක 2 ජීබී පොසෙසර් එක ඒ එම් ඩී හරි කොආඩ් කෝ වගේ වුනත් කමක් නෑ හාඩ් එකත් 320 ජීබී වගේ ඇති. (මම මේ දේවල් කියන්නේ වර්තමාන තත්වයට සාපේක්ෂව. ඉස්සරහට සෑහෙන්න දියුණ වෙනවනේ). නෝට් බුක් පරිගණකයක් වගේ ඇති. ටොසිබා ඩෙල් එච් පී වගේ හොදා.. සාමාන්‍යයෙන් රු 30 000 ඉදල රු 65 000 වෙනකන් වගේ මුදලක් වියදම් කලාට අවුලක් නැහැ. කොළඹ පැත්තේ ඇවිදල අඩුවට හොයා ගන්නත් පුලුවන්. ඒතට ගන්න කලින් මේ දේවල් එක්ක මිළ ගනන් සසදල බලන්න.

මධ්‍ය ලෙස භාවිතා කරන්නන්(ගීත හා චිත්තරපට ගබඩා කිරීම හා නැරඹීම/ දත්ත ගබඩා සහිත ලිපි සැකසීම)

උඩින් තියෙන ගොඩේ ඒවත් එක්ක තව හොද තත්වයේ චිත්තරපටි (හොද කියන්නේ වීඩියෝ තත්වය) බලන සිංදුවක් සබ් එකේ දාල එහෙම සද්දෙට අහන කෙනෙක් නම්. ටිකක් ලොකු දත්ත ගබඩා සහිත වැඩසටහන් එක්ක ගනු දෙනු කරනවා නම් මෙහෙම කරන්න රැම් එක 4 ජීබී 6 ජීබී වගේ දාල පොසෙසර් එක කෝ අයි 3 හෝ කෝ අයි 5 වගේ හාඩ් එක 500ජීබී හෝ 1 ටීබී වගේ වත් තියෙන්න ඕන තව යූ එස් බී පෝට් හොද සවුන්ඩ් පද්ධතියක් එක්ක ටිකක් ලොකු පුමාණයේ තිරයකුත් තියෙන්න ඕන 4කේ වගේ වීඩියෝ එහෙමත් බලන්න බලාපොරොත්තු වෙනවා නම් හොද වීඩියෝ කාඩ් එකකුත් දාන්න වෙනවා ගොඩට. සාමාන්‍යයෙන් රු 65 000 ඉදලා රු 100 000 වගේ වෙනකන් වියදම් කලාට කමක් නෑ

වෘත්තීමය ලෙස භාවිතා කරන්නන් (ඡායාරූප හා වීඩියෝ සංස්කරණය/ ගැපික් නිර්මාණය හා වැඩ කිහිපයක් එකවර කරන්නන් හා මෘදුකාංග නිර්මාණය කරන්නන්/වීඩියෝ ගේමර්ස් ලා)

මේ ගොඩේ අයට නම් වැඩිය උපදෙස් ඕනත් නැහැ එ් වුනාට කවදා හරි මේ ගොඩට එන්න හිතාගෙන දැනුම හොයන අයට උදව්වක් වෙන්නත් එක්ක කියන්නම්. පොටෝසොප් ලයිට් රෑම් දාලා ඡායාරූප කැත කරන වීඩියෝ කරල ඒවත් එහාට මෙහාට කපන. ලස්සන වැඩ දාල එක එක ගැපික් කෑලි හදන සොප්ට්වෙයා පේන්න බැරි වෙබ් සයිට් එකක් හදල ඇන්ඩොයිඩ් ඇප් එකක් හදල ඩෙස්ටොප් ඇප් එකකුත් හදල ඩේටා බේස් එහෙමත් කඩල ඔන්ලයින් වැඩක් කරන කෙනෙක් නම් හොදට වියදම් කරල ලැප් එක ගත්තට පාඩු නැහැ. ඒ වගේම ඔයා එහේ මෙහේ ඇවිද ඇවිද වැඩ කරනවා නම් බැටරිය ගැනත් හිතන්න වෙනවා. මේ වගේ අය ඇපල් ලැප් එකක් නැත්නම් ඩේල් එක්ස් පී එස් වගේ ටිකක් මිළ වැඩි එකකට යන්න වෙනවා.නැත්නම් ඉතින් වැඩ කිරීම එපා වෙනවා. රැම් එක අඩුම 8 ජීබී වත් හාඩ් එක 1 ටීබී හෝ ඊට වැඩි පොසෙසර් එත කෝ අයි 7 හෝ 9(ඉස්සරහට එයි ලංකාවෙත්) වෙනම ගැපික් කාඩ් එකක් අඩුම 2ජීබී වත් යූඑස් බී පෝට් 4ක් වත් අමතර තිරයක් සදහා එච් ඩී එම් අයි පොට් වැඩි කාලයක් තියෙන බැටරියක් අඩුම පැය 4ක් වත්. තිරයත් රෙසලූසන් හොද ටිකක් ලොකු එකක් නම් හොදා. ඔයා ඇවිදිනවා නම් ඇපල් මැක් බුක් එයා 2017 වගේ හොදා. ඒක රු 150 000 විතර වෙයි. එතකොට මේ සෙට් එකේ අය රු 120 000 ඉදල රු 250 000 වගේ වියදම් කරල ලැප් එකක් ගත්තට පාඩු නැහැ.

ඉහල වෘත්තීමය ලෙස භාවිතා කරන්නන්(විද්‍යා පර්යේණ හා අධ්‍යන / 3ඩී සිනමා නිර්මාණ /)

මේ ගොඩේ අය වෙනමම ජීවීන් කොට්ටාසයක් කියල කියන්න පුලුවන්. ලොවෙත් නැති වැඩ කරන උදවිය කියන්නේ මෙයාලට තමයි. එ් හින්දා මෙයාලා ලැප් ටොප් එකක් ගන්න ගියාම ටිකක් නෙවෙයි ගොඩක් ඇඩෙනවා. රැම් එක ඉතින් දාන්න පොසෙසර් බලය වැඩි කරන්න පුලුවන් උපරිම හාඩ් එකත් එහෙමයි වෙනම වීඩියෝ කාඩ් නවතම පන්නය වෝටර් හරි තරල කූලින් හරි එක්ක. ලොකු වැඩ කරන නිසා ලැප් එක ගොඩක් රත් වෙනවා. සිසිලන පද්ධතිය  හොදටම හදා ගන්න උපරිම කාර්යක්සමව වැඩ කරන්න ඔන නම්. පොට් එක එක ජාතියේ ඒවා ඕන. අමතර තිර ගොඩක් සම්බන්ධ කරන්න වෙයි.ඒ නිසා ඒ ගැනත් හිතන්න. ඇත්තටම මේ වගේ ලැප් ටොප් එකක් ටිකක් පුමාණය නම් ලොකු වෙයි. එහේ මෙහේ ගෙනියනව කියන එකත් ටිකක් හිතන්න වෙනවා. ඩෙක්ස්ටොප් තමයි ගොඩක් මේ වගේ දේවල් වලට ගන්නේ. කොහොම වුනත් ගන්නවා නම් රු 300 000 ඉදලා ගානක් වියදම් කරන්න ලෑස්ති වෙන්න...

හැමෝටම සුභ දවසක්! අඩු පාඩු තියෙනවා නම් සමා වෙන්න!...

 

සූර්යයාගේ අභ්‍යවකාශයේ තතු සොයා ගොස් විනාශ වන පාකර් යානාව...

අද දින ඇමරිකානු අභ්‍යාවකාශ ඒජන්සියට විශේෂ දවසක් වගේම අභ්‍යාවකාශ තාක්ෂණය නොමැති අපි වගේ පුංචි රටකට බලලා සතුටු වෙන්න පුලුවන් දවසක් කියන්න පුලුවන්. ඒ මෙතෙක් නාසා ආයතය මගින් දියත් කල වේගවත්ම හා විශාලම මෙහෙයුම වන පාකර් යානාව ඩෙල්ටා 4 අධි බලැති රොකට්ටුවේ උදව්වෙන්  සූර්යයා වෙතට ගමන් ඇරඹුවා. මෙම
මෙහෙයුම ඉතාමත් අසීරු මෙහෙයුමක් වන්නට කාරණා කිහිපයක්ම බලපානවා. ඒ තමයි සූර්යය කොරෝනාව කරා යාමේදී එහි උෂ්ණත්වය පැරන්හයිට් අංශක මිලියන තුනක් පමණ වීමත් සූර්යයාට සාපේක්ෂව පෘතිවිය පැයට සැතපුම් හැට හත්දාහක වේගයෙන් ගමන් කිරීමත්. මෙම වේගය අභිබවා සූර්යයා වෙතට ගමන් කරන්න තමයි අධි බලැති විශාල ඩෙල්ටා 4 රොකට්ටුවේ සහය පාකර්ට ලැබෙන්නේ. කෙටියෙන් කිව්වොත් ඩෙල්ටා 4 පාකර්ව විශාල බලයක් යොදල පෘතිවි කක්ෂයෙන් එලියට අරන් ගිහින් නිදහස් කරනවා.  මේ මෙහෙයුම තවත් විශේෂ වන කාරණයක් නම් මෙතෙක් සූර්යයා ආසන්නයටම ගමන් කල එනම් සැතපුම් මිලියන හතරක් තරම් ආසන්නයට ගමන් ගත් එකම යානාව බවට පත් වෙනවා. ඒ සදහා පාකර් යානාව පැයට සැතපුම් හාරලක්ෂ තිස්දාහක වේගයකින් ගමන් කිරීමට නියමිතයි. මෙම වේගය මෙතෙක් යානාවක් ගමන් කල වැඩිම වේගය බවට පත්වන්නේ හිලියෝස් 2 යානාවට දෙවැනියා බවට පත් කරමින්. එහි වේගය පැයට සැතපුම් දෙලක්ෂ විසි දෙදාහක්. ඉතිත් මේ පෘතිවි මෙහෙයුම සාරථක වෙන්න කියල අපිත් පාුර්ථනා කරමු. ජය වේවා!

ලොකු තිරයක් ලොකු බැටරියක් සහ බලවත් පෑනක් එක්ක එන සැම්සුන් ගැලැක්සි නෝට් 9

 සැම්සුන් සමාගම විසින් අලුතෙන්ම නිකුත් කල ගැලැක්සි නෝට් 9 ස්මාට් ජංගම දුරකථනය දැන් වෙළද සැල් වලින් ලබා ගත හැකි බවයි පැවසෙන්නේ. මෙහිදි මාදිලි දෙකකින් නිකුත් කර ඇත්තේ 128GB / 6GB RAM හා 512GB / 8GB RAM වශයෙනුයි. 

පළමු මාදිලිය රු 160 000 ක මිලකට ත් දෙවන මාදිලිය රු 200 000 ක මිලකටත් ලබා ගත හැකි වෙනවා. බැලූ බැල්මටම පෙනී යන දෙයක් වන්නේ දැන් දැන් දුරකථන සාමාන්‍ය පරිගණක තත්වයත් ඉක්මවා යමින් පවතින බවයි

 විශාල මතක ධාරිතාවක් හා විශාල රැම් මතකයක් එක් වීම මෙහි මිළ ඉහල අගයක් ගැනීමට හේතු වෙනවා. තවද මෙම දුරකථනයේ විශාල බැටරි ධාරිතාවක් සහිත වීමද කැපී පෙනෙනවා. ඒ වගේම පෙර නෝට් මාදිලි වලට වඩා අංග රැසක් සහිතව එස් පෑනද වැඩි දියුණු කර තිබෙන බවයි පැවසෙන්නේ. මෙය ඇන්ඩොයිඩ් 8.1 ඔරියෝ මෙහෙයුම් පද්ධතිය සමග පැමිණෙන අතර නවතම ඇන්ඩොයිඩ් 9 පයි කිුයාත්මක වීම සදහා සුදුසු වෙනවා.

බලවත් ස්මාට් ජංගම දුරකථන වල දැකිය හැකි සුලබ ලක්ෂණයක් වන අධිකව දුරකථනය රත් වීම වැලැක්වීම සදහා නෝට් 9 මෙම දුරකථනයේ “Water Carbon Cooling system” එකක් යොදා ගෙන තිබීම තවත් කැපී පෙනෙනවා. 12MP ඩුවල් කැමරාවක් පූධාන කැමරාව ලෙසත් 8MP සෙල්පි කැමරාවකිනුත් මෙය බල ගැන්වෙනවා. ඒ වගේම ඇස හදුනා ගැනීම හා ඇගිලි සලකුණු හදුනා ගෙන දුරකථනය අගුලු හැරීමටත් පුලුවන්.

ඇන්ඩොයිඩ් 9 පයි මෙහෙයුම් පද්ධතිය දැන් ගූගල් පික්සෙල් සදහා ලබා දෙයි...

ගූගල් ඇන්ඩෙුායිඩ් නවතම මෙහෙයුම් පද්ධතිය වන ඇන්ඩොයිඩ් 9 පයි මෙහෙයුම් පද්ධතිය දැන් ගූගල් පික්සෙල් සදහා ලබා දෙන බව ගූගල් සමාගම නිවේදනය කර තිබෙනවා. මෙහි ඇති නවාංග අතරට “Digital Wellbeing” පුවරුව ත් මානව හැසිරීම මගින් කිුයාත්මක වන මාර්ග සෙවීම හා කෘතීම බුද්ධිය යොදාගෙන වැඩිදියුණු කරන ලද අතුරු මුහුණත එක් වෙනවා. Register for Digital WellBeign

කෙසේ වෙතත් Google I/O සමුලුවේදී හෙලිදරව් කරන ලද සියලු නවාංග මේ වන විට මේ සමග නිකුත් කර නොමැති වුවත් ඉතා ඉක්මනින් සම්පූර්ණ මෙහෙයුම් පද්ධතිය නිකුත් කරන බව ගූගල් සමාගම පවසා තිබෙනවා. Google One හා අනෙක් උපාංග සදහාද මෙම වර්ෂය නිම වීමට පෙර ඇන්ඩොයිඩ් 9 පයි මෙහෙයුම් පද්ධතිය ලබා දීමට කටයුතු කරන බවයි ගූගල් සමාගම කියා තිබෙන්නේ.

ඕනෑම මෙහෙයුම් පද්ධති යාවත්කාලීන කිරීමකදී මෙන්ම මේ සමගද පද්ධති ආරක්ෂාව සදහා වැඩිදියුණු කිරීම් රැසක් එක් කර ඇති අතර මානව ජීව දත්ත හදුනාගනිමින් කෘතීම බුද්ධිය ඇසුරෙන් ඒවා විශ්ලේෂණය කර ආරක්ෂාව උපරිමව ලබාදීමට කටයුතු කර තිබෙනවා කියල තමයි කියන්නේ.


කවුරු කොහොම කිව්වත් ඕනම දේක හොද නරක හරියටම කියන්න පුලුවන් වෙන්නේ දාලා වැඩ කරල බලල තමයි.

Boot නොකා Dual Boot කරමු...

            ගොඩක් අයට මුහුණ දෙන්න වෙන ප්‍රශ්නයක් තමයි OS  2ක් ඩුවල් බූට් කරන්න තමන්ගේ පරිගනකය සකසා ගන්න එක. මේක කරන්න යන කොටත් ඒ වගේම මොන විදිහකින් හරි කලාට පස්සෙත් ප්‍රශ්න ගොඩක් මතු වෙනවා. ඒකට මූලිකම හේතුවක් තමයි හරියට නොදැන ඒ දේවල් කිරීම. ඒකත් හොද දෙයක් හැබැයි. මොකද අත්හදා බැලීම් වලින් තමයි අලුත් දේවල් හොයාගන්න පුලුවන්. මං අද කියල දෙන්න හදන්නේ  Windows 7 එක්ක  Fedora 21 OS  එක අවුලක් නැතුව ඩුවල් බූට් වෙන්න හදන්නේ කියල.

01. මුලින්ම Windows 7 හෝ වෙනත් තමන් කැමති Windows OS  එකක් පරිගනකයට  install  කර ගන්න.

02. ඊට පස්සේ Fedora හෝ තමන් කැමති Linux OS එකක්  Download කරල Pen Drive එකකට හරි  CD/DVD එකකට හරි දා ගන්න Bootable විදිහට හදලා. මේ සදහා Power ISO හෝ Universal USB installer වගේ මෘදුකාංගයක් භාවිතා කරන්න.

03. දැන් මං වින්ඩොස් වලින් ලොග් වෙලා  My Computer right click කරලා Manage Select කරන්න. ඊට පස්සේ Disk Management Select කරන්න. 

         (a). දැන් Enter the amount of space to shrink in MB තැන Linux OS එකට කැමති ප්‍රමාණයක් ඉඩ ලබා දෙන්න.(සාමාන්‍යයෙන් 10GB වත් ).

           (b). දැන් Shrink කරල Unallocated Space කියල තමන් වෙන් කරපු ඉඩ තියෙනවද බලන්න. Restart කරලම බලනවනම් වැඩිය හොදයි.

04. දැන් ඔයාල හදාගත්තBootable Device එක භාවිතා කරල Boot කරන්න. මේ දේවල් ටික හරියටම කරන්න(උදාහරණයට ගත්තේ Fedora 21 Workstation x32 OS එක).

Start Fedora Live >> Install to Hard Drive >> Continue

Installation Summary එකේදී Destination එක Hard Disk දෙන්න. Hard එකේ මුලු ධාරිතාවම මෙතන පෙන්නුවට බය වෙන්න එපා Install වෙන්නේ අර අපි කලින් හදා ගත්ත Unallocated Space එකට.

දැන් ඉදිරියට වැඩේ කරගෙන යන්න.User and Password create කරල Installation එක අහවර කරල restart කරල බලන්න. අගේට OS 2ම වැඩ කරයි!  

ඇන්ඩ්‍රොයිඩ් නැති අයටත් ඇන්ඩ්‍රොයිඩ්...

       
       අද කාලේ හැමෝගෙම වගේ phone එකක් ලග තියෙනවා. ඒත් ඒවා එක එක ජාතියේ ඒවා. පරණ ඒවා  Symbian OS, තව ඒවා Blackberry OS එහෙමත් නැත්නම් පොඩි Java OS නැත්නම්  Windows OS , Apple OS අන්තිමටම Android OS,  අද කාලේ  Free Apps ගොඩක් තියෙන ගොඩක්ම Famous  OS එක තමයි  Android කියන්නේ. Andriod Phone  එකක් නැති ඒත් android apps පාවිච්චි කරන්න කැමති අයට තමයි මේක ගොඩක්ම වටින්නේ. හැබැයි ඉතින් මොකක් හරි පරිගණකයක් නම් ළග තියෙන්න ඕන. තමන්ගේ පරිගණකය Android Device  එකක් විදිහට භාවිතා කරන්න පුලුවන් BlueStacks කියන Apps Player  එක භාවිතා කරල. ඕන ඇප් එකක් ඉඩ කඩ සීමා නැතිව නිදහසේ Phone  එකකින් භාවිතා කරනවටත් වඩා හොදින් භාවිතා කරන්න පුලුවන්. 

මේක  Download  කරනකොට  root කරපු Torrent ඩවුන්ලොඩ් එකක්ම භාවිතා කරන්න. මොකද නැත්නම් පොඩියට මෙයාලා අධාර ඉල්ලනවා! උත්සහ කරල බලන්න! ජය වේවා! 

පරිගණක මෙහෙයුම් පද්ධතිය පොකට් එකේ දාගෙන යන්න...

SLAX LINUX  https://www.slax.org/en/

මේ දේ සමහර අයට නම් අලුත් දෙයක් නොවෙන්න පුලුවන්. ඒත් නොදන්න අයගේ දැන ගැනීම පිණිස ඉදිරිපත් කරන්න හිතුවා. කොහොමද පරිගණකයේ මෙහෙයුම් පද්ධතිය පොකට් එකේ දාගෙන යන්න තිබ්බොත්?. ඒ කියන්නේ යන යන තැන අරගෙන ගිහන් ඕනිම පරිගණකයක් තමන්ගේ වගේ වැඩ කරන්න. තමන් කරන වැඩ සේව් කරන්න වුනත් පුලුවන්. මේ වගේ මෙහෙයුම් පද්ධති ගොඩක් තියෙනවා. අද මම කතා කරන්නේ Linux කර්නල් එක භාවිතා කරල ගොඩ නගපු Slax Linux මෙහෙයුම් පද්ධතිය ගැන. Slax සිංහල භාෂාවෙන් ලබා ගැනීමට හැකි වීම තවත් විශේෂ කාරණාවක්. 218 MB වගේ විශාලත්වයකින් භාගත කරල CD එකකට හෝ  PEN DRIVE  එකකට දාගෙන වැඩ කරන්න පුලුවන්. කරන වැඩ ටික Save  කරනව නම් ඉතින්  PEN DRIVE එකකටම දාගන්න වෙනවා ඇයි කියල අමුතුවෙන් කියන්න ඕන නැහැනේ.

තවත් කියන්න ඕනිම දෙයක් තමයි Slax  එක්ක එන නව පෙනුමත් Module  වශයෙන් ලබා දෙන  Additional Softwares. තමන්ට විවධ වැඩ කරගන්න අවශ්‍ය වෙන  Software මොඩියුල් විදිහට අරගෙන දාල Open  කරන්න විතරයි තියෙන්නේ. අමුතුවෙන් Install  කර කර මහන්සි වෙන්න ඕන නැහැ. ඔයාලත් උත්සහ කරල බලන්න. මොනවහරි දැනගන්න තියෙනව නම්  Comment 1k  දාන්න. ජය වේවා! 

බ්ලූටූත් වලට බ්ලූටූත් කියන්නේ ඇයි?

   ඔයාලා හැමෝම මේ වෙද්දි බ්ලූටූත් තාක්ෂණයත් එක්ක ඕනෑ තරම් ගනුදෙනු කරලා ඇති.ඒත් කවදහරි හිතලා තියෙනවද Bluetooth වල නම හැදුනෙ කොහොමද කියලා??? 

         ඉස්සර කාලෙක වයිකින්ග් රජ කෙනෙක් හිටියලු හෙරල්ඩ් බ්ලූටූත් කියලා. ඩෙන්මාර්කයයි නෝර්වේ රටයි දෙකේම රජකම පැවරිලා තිබිලා තියන්නෙ මේ හෙරල්ඩ් බ්ලූටූත් කියන රජතුමාට තමයි.මේ රජතුමාට පුළුවන් වෙලා තියෙනවා එයාගෙ රටේ කාලයක් තිස්සේ යුද්ධ කර කර, බද්ධ වෛරෙන් හිටිය ගෝත්‍ර දෙකක් සමගි කරවන්න. මේ එක ගෝත්‍රයක් ජීවත් වෙලා තියෙන්නෙ පස්සෙ කාලෙක බ්ලූටූත් තාක්ෂණයෙ උපන් ගම වෙච්ච ස්කැනියා කියන ප්‍රෙදේශයේ  (නූතන ස්වීඩනය).

    ඉතින් මේ රජතුමා තරහින් හිටිය ගෝත්‍ර දෙකක් අතර සම්බන්ධතාවයක් හැදුවා වගේ මේ අලුත් තාක්ෂණයෙනුත් එකිනෙකට වෙනස් උපාංග අතර සම්බන්ධතා හදන්න පුළුවන් බව දැක්ක බ්ලූටූත් නිර්මාපකයො තීරණය කරලා තියෙනවා එයාලාගෙ ව්‍යාපෘතියේ කේත-නාමය (code-name) විදිහට  Bluetooth කියන නම පාවිච්චි කරන්න.

               ඒ කාලෙ ජංගම දුරකතන සමාගම් වලට තිබ්බ ලොකුම අභියෝගයක් තමයි පරිගණකය සහ ජංගම දුරකතනය අතර ලේසියෙන් තොරතුරු හුවමාරු කරන්න ක්‍රමයක් නැති වීම. ඉතින් Ericsson, IBM, Intel, Motorola, Nokia සහ Toshiba කියන සමාගම් එකතු වෙලා තමයි මේ ව්‍යාපෘතියට අනුග්‍රහය දක්වලා තියෙන්නෙ. ව්‍යාපෘතිය ඉවරවෙලා මේ තාක්ෂණය වෙළදපොලට දානකොට මේ හැම සමාගමකින් ම එක එක නම් යෝජනා වෙලා තියෙනවා. ඒ අතරින් Flirt : getting close, but not touching, RadioWire (Intel proposal) සහ PAN-Personal Area Networking (IDM proposal) කියන නම් වලට හැමෝම එකග වුනත්, අන්තිමේදි කියන නම මේ තාක්ෂණයට හැම අතින්ම සුදුසු බව තීරණය වෙනවා!

    ඒ විතරක් නෙවෙයි හෙරල්ඩ් බ්ලූටූත් රජතුමාට ගෞරවයක් හැටියට  එයාලා ලාංඡනයට දාලා තියෙන්නෙත් පුරාණ ගෝත්‍රික අක්ෂර මාලාවෙ (Younger Futhark runes) H හා B අකුරු වලට අදාල සංකේත.

   +  = 

ඔන්න ඔහොමයි බ්ලූටූත්ට එයාගෙ අමුතු තාලෙ නම වැටිලා තියෙන්නෙ.

           බ්ලූටූත් කියන්නෙ රැහැන් රහිත (wireless) තාක්ෂණයේ ලොකු පෙරළියක් කරන්න සමත් වෙච්ච, අද කාලෙ හැටියට අපි කාටත් නැතුවම බැරි දෙයක්.  Bluetooth තාක්ෂණය  ගැන තවත් තොරතුරු පස්සෙ දවසක කියන්නම්කො :) වැඩක් නැති වෙලාවක කට්ටිය කියවන්න.....

වැඩි විස්තර > http://www.eetimes.com/electronics-news/4182202/Tech-History-How-Bluetooth-got-its-name?pageNumber=0

Image වලින් Search කරමුද ?.

අපි හැමදාම කලේ එක එක සර්ච් එන්ජින් වලින්, නැත්නම් බ්‍රවුසර් වලින් අකුරු කොටල විස්තර හොයපු එක. ඒත් දන්නවද රූප වලින් ආපස්සට සර්ච් කරන්න පුලුවන් බව ?. පිස්සු කතා කරනව නේද?. නෑ නෑ බොරු නෙවෙයි. මෙන්න බලන්නකෝ, මේ වෙබ් අඩවියට අපිට සර්ච් කරන්න ඕන පිංතුරය අප්ලොඩ් කරල හරි එහෙම නැත්නම් පිංතුරය තියෙන තැනට අදාල URL එක හරි ටයිප් කලාම ලොකේ තියෙන වෙබ් අඩවි බිලියන ගානක් පීරල පීරල අපි සර්ච් කරපු පිංතුරය වෙනත් කොහෙවත් තියෙනවද, තියෙනවනම් ඒ කොහෙද වගේ විස්තර ගොඩක් හොයල දෙනව, නිකමට වගේ ප්‍රසිද්ධ පිංතුරයක් දෙකක් සර්ච් කරලම බලන්නකෝ! www.tineye.com
Google search එන්ජිම හරහාත් මේ ආකාරයටම පිංතුර වලින් සර්ච් කරන්න පුලුවන්, ඒකත් කරලම බලන්නකෝ! ‍මට මේ ගූගල් කතාව මතක් කරල දුන්නේ අපේ මේ බ්ලොග් 1 බලන්න ආපු යාලුවෙක්,එයාටත් බොහොම ස්තුතියි!

දිගු වෙබ් ලිපින හකුලා දෙන tinyURL.com

අන්තර්ජාල භාවිතයේදී ඉතා දිගු වෙබ් ලිපින සහිත වෙබ් අඩවි හෝ බ්ලොග් අඩවි හමුවේ. මෙම දිගු වෙබ් ලිපින මතකයේ රදවා ගැනීම හෝ සටහන් කර තබා ගැනීමද තරමක් දුෂ්කර කටයුත්තක් බව ඔබ අත්දැකීමෙන් දන්නවා ඇති. මෙන්න විසදුම , උත්සහ කරල බලන්න www.tinyurl.com

ඔන්ලයින් සේප්පුව

www.securesafe.com

අන්තර්ජාලය භාවිතයේදී නිතරම අපට හිසරදයක් වන කාරණාවක් ලෙස පාස්වර්ඩ් අමතක වීම හදුන්වන්න පුලුවන්. එහෙම කියල අපේ ඊ මේල් / ෆේස් බුක් හෝ වෙනත් වෙබ් අඩවි වල පාස්වර්ඩ් හැම තැනම ලියල තියන්නත් බැහැනේ! මොකද අද කාලේ තමන්ගේ වටින කියන දේපල හැම එකක්ම වගේ පරිගනකය එක්ක ඔට්ටු වෙනවනේ! ඉතින් මෙන්න ඒකට විසදුම. සල්ලි පරිස්සමට අරන් තියන්න සේප්පුවේ දානව වගේ පාස්වර්ඩ් පරිස්සමට අරන් තියන්න ඔන්ලයින් සේප්පුවක්! විවිධ වෙබ් අඩවි වෙත ලබා දෙන නොයෙක් පාස්වර්ඩ් මේකට දාල සේප්පුවේ පාස්වර්ඩ් විතරක් මතක තියාගෙන නිදහසේ ඉන්න! හැබැයි ඉතින් සේප්පුවේ පාස්වර්ඩ් එක නම් අමතක කර ගන්න එපා! 

මේ සේප්පුවේ පාස්වර්ඩ් පරිස්සම විතරක් නෙවෙයි තවත් සේවාවන් රැසක් ලබා දෙනව! කණ්ඩායමක් වශයෙන් ලොකු ලොකු ව්‍යාපාර කරන අයට පිරිසක් වශයෙන් යම් මුදලක් ගෙවල තවත් විශේෂ සේවාවන් මෙම වෙබ් අඩවියෙන් ලබා ගන්න පුලුවන්! නොමිලේ ලබා දෙන මෙම සේවාව ස්විස් ආරක්ෂණ විධි රැසක් යොදා ගෙන තිබීම හා ලොගින් වීමට ෆ්ලෑෂ් ඉන්ටර්ෆේස් එකක් යොදා ගෙන තිබීම නිසා සොර සතුරන් ගැනත් බය වෙන්න දෙයක් නැහැ! උත්සහ කරල බලන්න! www.securesafe.com

පිංතූර අවශ්‍ය පරිදි සකසා දෙන ‍ෆොටෝ ෆෙලෙක්ස්ටර්

මෙම වෙබ් අඩවියට තමන්ට එඩිට් කිරීමට අවශ්‍ය ඕනෑම ඉමේජයක් අප්ලෝඩ් කර අවශ්‍ය පරිදි සකසා ගෙන තම පරිගනකයට ඩවුන්ලෝඩ් කර ගැනීමට හෝ වෙනත් වෙබ් අඩවියක පබ්ලිෂ් කල හැකිය.

නොමිලේ වෙබ් අඩවි සාදා පළ කළ හැකි වික්ස්

මෙම වෙබ් අඩවියෙන් අපට ඕනෑ හැටියට වෙනස් කර ගත හැකි ටෙම්ප්ලේට්ස් දහස් ගණනක් සැපයෙන අතර ඒවාට ඉමේඡ් හා ටෙක්ස් ඩ්‍රැග් කරමින් වෙබ් අඩවි සාදා අන්තර්ජාලයට එක් කළ හැක.

වෙබ් අඩවිවල පීඩීඑෆ් සැනෙකින් සාදා දෙන පීඩීඑෆ් මයි යූ ආර් එල්

තමන්ට අවශ්‍ය වෙබ් අඩවියක පීඩීඑ‍ෆ් එකක් සාදා ගැනීමට ඕනෑ නම් කළ යුත්තේ මෙම වෙබ් අඩවියෙන් දෙන බොක්ස් එක තුළ වෙබ් පිටුවේ ලිපිනය ලියා සබ්මිට් කිරීම පමණි. එවිට පීඩීඑෆ් එක සැනෙකින් පරිගනකයට ඩවුන්ලෝඩ් වේ.

ඕනෑම ‍ෆෝමැට් එකක ෆයිල් එකක් වෙනත් ෆෝමැට් එකකට හරවා දෙන සම්සාර්

පරිගණකයේ ඇති ඕනෑම ෆෝමැට් එකක ෆයිල් එකක් මෙම වෙබ් අඩවියට අප්ලෝඩ් කොට එය පර්වර්තනය කළ යුතු ෆෝමැට් එක ඉල්ලා සිටිය හැක. එවිට අපගේ ඊ මේල් ගිණුමට එම පරිවර්තනය කළ ෆයිල් එක ලැබෙන්නට සලස්වයි.

බිට්ටොරන්ට් ප්‍රොටෝකෝලය (BitTorrent)

චිත්‍රපට සමුපූර්ණ මෘදුකාංග හා රූපවාහිනී වැඩසටහන් වැනි අති දැවැන්ත ෆයිල්ස් ඉක්මනින් ඩවුන්ලෝඩ් කර ගන්නට තිබෙන හොදම ක්‍රමය බිට්ටොරන්ට්ය_ ඉතා අඩු ධාරිතාවක් ඇති පරිගනයකින් ඉතා අඩු වේගයක් ඇති ඉන්ටර්නෙට් සම්බන්ධතාවයක් ඔස්සේ වේගයෙන් ඩවුන්ලොඩ් වන මේ ඩිජිටල් ෆයිල් ‍ෆෝමැට් එක ටොරන්ට්ය_ එනම් ඒවා .torrent යන ෆයිල් එක්ස්ටෙන්ෂන් ඇතිඒවාය_                      
                       බිට්ටොරන්ට් මගින් විශාල ෆයිල් අඩුවේග ඉන්ටර්නෙට් සම්බන්ධතාවක් හරහා වැඩි වේගයෙන් ඩවුන්ලොඩ් වන්නේ කෙසේ ද?_ එම තේරුම් ගැනීම පටන් ගත යුත්තේ සාමාන්‍ය ඩවුන්ලෝඩ් කිරීම ගැන අවබෝධයක් ලබා ගැනීමෙනි_
                               සාමාන්‍ය වෙබ් පිටුවකට පිවිසුනු විට එයින් යමක් ඩවුන්ලෝඩ් වීමට ඉඩ දෙන්නේ නම් එම ලින්ක් එක මත ක්ලික් කිරීම අපට පුරුදුය_ එවිට අපේ පරිගනකයේ ඇති වෙබ් බ්‍රවුසර් මෘදුකාංගය මගින් ඒ බව එම වෙබ් පිටුව රදවා ඇති සර්වර් පරිගනකයට දන්වයි. දැන් එම සර්වර්ය මගි අපේ පරිගනකය වෙත එම ෆයිල් එක එවයි. එනම් ඩවුන්ලෝඩ් වෙයි.මෙසේ ඩවුන්ලෝඩ් වීම වෙන්නේ විශේෂ ප්‍රමිතියකින් යුත් තාක්ෂණයක් හෙවත් ප්‍රොටෝකෝලයකට අනුවය. එය එක්කෝ FTP(File Transfer Protocol) ය. නැතහොත් HTTP (Hyper Text Transfer Protocol) ය.
                               මේ සම්ප්‍රදායික ක්‍රමයට (Client Server download) ෆයිල් එකක් ඩවුන්ලෝඩ් වන විට එහි වේගය අඩු වැඩි වීමට බලපාන කාරණා කීපයකි. ඉන් මුලටම වන්නේ සර්වරයේ කාර්යය බහුල බව (Server Traffic) යි. සර්වරය කාර්යය බහුල වන විට ඩවුන්ලෝඩ් වන ‍වේගය අඩ් වේ.අනෙක් කාරණය ඩවුන්ලෝඩ් කර දෙන ලෙස ඉල්ලා සිටින ෆයිල් එකේ ජනප්‍රිය බවයි. එහි ජනප්‍රිය බව වැඩිවන විට එය පරිගනක ගණනාවකින් ඉල්ලා සිටින විට ඩවුන්ලෝඩ් වන වේගය අඩු වේ.
                                 පියර් ටු පියර් කියා හදුන්වන ෆයිල් ඩවුන්ලෝඩ් ක්‍රමයක කරළියට ආවේ මේ සාම්ප්‍රදායික ඩවුන්ලෝඩ් ක්‍රමයේ අකාර්යක්ෂම කම් වලට පිළියම් රැගෙනය.
                                    පියර් ටු පියර් ක්‍රමයට ෆයිල් ඩවුන්ලෝඩ් කරන්නට ෆයිල් ෂෙයාරින් නෙට්වර්ක් එකකට හෝ ෆෝරම් එකකට සම්බන්ධවී එමගින් ලබාදෙන විශේෂ මෘදුකාංගයක් පරිගනකයට පරිගනකයට ඉන්ස්ටෝල් කරගත යුතුය. නුටෙල්ලා(Gnutella) කාසා(Kazaa)ඊ ඩොන්කි(eDonkey) යනාදි ජනප්‍රිය සේවාවලට අමතරව තවත් සේ ගණනාවකි.
                                   ඩවුන්ලෝඩ් කර ගන්නට උවමනා ෆයිල් එක මේ යැයි කියන පණිවුඩය මෙම ෆයිල් ෂෙයාරින් මෘදුකාංගය හරහා ලබා දිය යුතුය. එවිට එම ෆයිල් එක තිබෙන ඉන්ටර්නෙට් සමග දැනටමත් සම්බන්ධ වී ඇති පියර් ටූ පියර් මෘදුකාංග ඇති වෙනත් පරිගනක වේදැයි මෘදුකාංගය විසින් සොයා බැලේ.
එවැනි පරිගනකයක් හමු වූ විට එම පරිගනකයේ හාඩ්ඩිස්කයේ සිට එම ෆයිල් එක ඉල්ලා සිටින පරිගනකයට ඩවුන්ලෝඩ් වීම ඇරඹේ.

                                   මේ ඩවුන්ලොඩ් වීම අවසන් වු පසු ෆයිල් ෂෙයාරින් මෘදුකාංගයෙන් ඉවත් නොවී සිටින තාක් කල් අප‍ගේ පරිගනකයේ හාඩ්ඩිස්ක් එකෙන් මේ ෆයිල් එක ඉල්ලා සිටින වෙනත් අය වෙතද ඩවුන්ලෝඩ් වීම සිදුවේ. තමන් කලින් වෙනත් අයෙකුගේ පරිගනකයෙන් මේ ෆයිල් එක ලබා ගත්තා නොවේද ?. එනිසා තවත් කෙ‍නෙකුත් තමාගේ පරිගනකයෙන් මේ ෆයිල් එක ලබා ගැනීමට දීම යුතුකමකි. එසේ සිතන්නන් සිටින තාක් මේ ඩවුන්ලෝඩ් කිරීම පහසුය. එහෙත් ආර්මාර්ථකාමී අය එසේ නොසිතා තමන් ෆයිල් එක ඩවුන්ලෝඩ් කරගත් සැනින් මෘදුකාංගයෙන් ඉවත් වේ. ඒ නරක පුරුද්ද හදුන්වනනේ (leeching) කියාය. හරියට ලේ උරා බොන කූඩැල්ලෙකු සේ තමන් ගැන පමණක් සිතීම එම වචනයේ තේරුමයි. ලීචින් කිරීම නිසා පියර් ටු පියර් ඩවුන්ලෝඩ් වීම අකර්මන්‍ය වීම ගැන කනස්සල්ලට පත් වූ නිර්මාණශීලී  පරිගනක කුමලේඛ ශිල්පියෙකු ඇමරිකාවේ සිටියේය. හේ බ්රැම් කොහෙන්ය. ලීචින් කරන්නන්ට තැන නොදෙමින් ෆයිල් ෂෙයාරින් කිරීමට ක්‍රමයක් සෙවීමට හේ වෙහෙසුනි. ඔහු සාර්ථකත්වය ලැබීය. 2001 ජුලි 02  දා ඔහු අලුත් ෆයිල් ෂෙයාරින් ප්‍රොටෝකෝල‍යක් ලොවට හදුන්වා දුනි. එයද විශේෂ පියර් ටු පියර් ප්‍රොටෝකෝලයකි. බිට්ටොරන්ට් යනු එයයි.
                                                                                                                  මුලාශ්‍රය - විජය පරිගණක

                                   

ෆ්ලෑෂ් මූවීස් පහසුවෙන් ඩවු‍න්ලෝඩ් කළ හැකි සේව් ෆ්ලෑෂ්

........................................

සේව් ෆ්ලෑෂ් යනු මෙම වෙබ් අඩවියෙන් නොමිලේ දෙන ෆ්ලෑෂ් ඩවුන්ලෝඩරයකි_ එය ඩවුන්ලෝඩ් කර ගත් විට වෙබ් අඩවි වල ඇති ඕනෑම ෆ්ලෑෂ් මූවී එකක් ඒ හරහා තමන්ගේ පරිගනක වලට ඩවුන්ලෝඩ් කර‍ගෙන පසුව බැලිය හැක_
........................................

රජ දැක්ම ලද අයි මැක්!

ඇපල් අයි නිර්මාපක ජොනතන් අයිව්ට නයිට් නාමය දෙයි

.................

අද ලොව සිටින කීර්තිමත්ම තාක්ෂණික උපාංග නිර්මාණ ශිල්පියා  ඇපල් සමාගමේ මොස්තර පිළිබද පූධානියා වන ජොනතන් අයිව්ය_ ඔහුගේ පූතිභාවත් ලෝ වැස්සන්ට ඔහු කළ බලපෑමත් සැලකිල්ලට ගත් බිතාන්‍යයේ මහ රැජිණ පසුගියදා ජොනතන් අයිව්ට නයිට් නාමය පුද කළාය_ඒ අනුව දැන් ඕනෑනම් ශීමත් ජොනතන් අයිව් කියා අමතන්නට හැකිය_
ජොනතන් අයිව් යනු පර්ගනකයේ උපන් ගෙයි හැඩය වෙනස් කළ තැනැත්තාය_ මොනිටරයක් නම් එය මේ හැඩයේය මවුසය හා යතුරු පුවරුව මේ හැඩයේය පීසී ටවර් එක මේ හැඩයේය කියා තිබුනු නොබිදුණූ හැඩ සම්පුදාය බිද වැටුනේ ජොනතන් අයිව්ගේ වැඩ නිසාය_ඒ ඔහු විසින් නිර්මාණය කරන ලද ඇපල් අයි මැක් කොම්පියුටරය  1998 දී වෙළද පොළට ඒමත් සමගය!